想睇返自己上一年初或者前年年尾寫左咩...今年可以回顧下先寫....
點知發現自己原來完全冇寫到........
咁,........而家唔駛寫了哦?XDD

上年係咩心態咩都冇寫呢...我一d都唔記得啦.......
下年睇返呢篇野會有咩感覺我都唔知~不過儘量唔好寫低d蠢事就好了啦~
繼續pt form啦~

今年跨年有春春~~佢而家係內地好似真的不錯紅哦~!終於比我等到佢表演~
呢一年佢做左好多新嘗試新突破~都係我又試左好多第一次o既一年
都算幾大起大落,有好開心o既日子...都有好唔開心o既時候......
好多要唔記得o既唔記得左...有有d唔應該會記得o既係年尾一次過記番起晒.....(靠)

睇返年頭d日記.....一年好似過得好快.......
呢一年o既Iko大事回顧有....:
1月: 辭職,比人拖糧,做第一份有$ o既design, 做左 OU st helper, 上左MHD莊, 士多啤梨園
2,3月: 中左六合彩, 不斷打字+電話o既st helper
4,5月:返大陸, OU挑戰意志溫習團,摸蜆,第一次交流(廣州)
6月:林峰演唱會!!!!!!!!!!!!!!!!!
7月:第一次踏入青山病房,遇上好好o既大家~
8月:愛不疚生日會~
9月:成mol之路,開學
10月:第一次行catwalk
11月:東龍島,我要做game模
12:頹

入左mental呢一科.....講真year 1 practicum前我一次都冇開心過........
好多謝青山A201 o既各位....雖然而家已經摺左ward,但係真係好多謝大家帶俾我o既轉變
出完ward之後開始接受呢一行成為我未來終身o既職業
之前洗自己腦冇用o既理由,隨住知多左,社會狀況o既轉變變得有用
而家我可以自信咁同之後入黎o既同學講,呢一科值得我鐘意
希望未來o無數年我都可以咁講

踏足多左社會,見多左,試多左,亦到成為year 2 o既學生
未來只仲有2年.....越黎越近o既社會生活令我諗更多
大概.......呢一行會適合我待下去?
未來o既2年幾.......仲會遇到幾多,會唔會好似之前3年咁有咁多措手不及?
太多改變到今日所見.....真係令人冇辦法唔相信命運自有安排
興趣....我諗...有機會gei......我會得到更多發展機會~

Year 2 o既生活要幾頹有幾頹,工又冇job又冇....
自從踏入左呢行之後由一開始好不屑轉變到爭扎到迫自己轉....有時都會問返自己駛唔駛咁....
改變外在打扮唔係只係個樣唔同左咁簡單......有好多諗野o既態度會我自己都諗咁樣仲係唔係我....
但係...一日我仲想留係度.......就應該唔會停止一步步咁改/被改......
之前會應同o既睇法....而家會覺得不合時宜.....
咁樣落去好唔好....?我自己都唔知......m......其實人係冇可能一世唔變...不過變成我自己內在都會討厭o既方向........結果會點呢......?...會成為一個自己都討厭o既人吧......?
諗得越多就越大壓力....未來一年可唔可以肯定到自己o既角色?

年尾呢幾個月係改變得最多,最大壓力.......
有好多野因為d新o既嘗試新o既experience令自己放棄舊的
身邊有好多人俾我o既感覺亦都唔同左......應該自己變得情緒化左都有關.......
開始會唔想同d自己覺得無聊膚淺o既人溝通,性格變得苛刻...好似發展多左一個人格出黎咁......?
以前一直都唔會咁.....可能係因為身邊o既人唔同左,加埋最近一直不順吧.....
希望新一年變得更順利lo~

其實都只係俾年尾呢2,3個月影響左........呢一年都有好多好多開心o既事ga~
第一次睇演唱會~我記得o個時同之後一個月我都hyper左好耐ga~
亦都有一排有好多兼職~~穩定而充足o既收入來源真係令人開心好多~
好吧~~我d情緒就係大部份建立係$上面~~識我耐d o既人都知ga la~
今年都做多左好多舖路o既事~希望新一年可以接多d job~~細d都唔緊要~~最緊要keep住有$搵~
又去左交流~其實真係幾好玩ga~

今年真係俾支籤講中.......好多大病尤其是腸胃ar.....
跟住呢一年要好好jeep住自己o既身體健康呢~

m..有時呢.....人真係唔可以同人太close太依賴.......
還是靠自己好了

要定o既...過去的09其實就係year2的上半sem不大好吧........
或者可能係我自己揀左唔好o既方向?

黎緊o既2010~希望事事順利~自己努力去做好每一個範疇~
家人其實都發生好多事,,,,都祝佢地事事順利~^^
好朋友會繼續係好朋友,大家互相suppoet哦~!!!

最後祀所有人~
身體keep住健康~努力去做自己想做o既並得到成功~過得開心快樂~^v^

個Interstoff o既show行完左啦......生活又回復返之前冇做咁....
唔駛迫自己著4吋,唔駛成日化妝,唔駛成日睇鞋睇衫睇化妝品~
我第一次著正式長晚裝~攝左幾個墊.....|||||||
大合照~好多靚女~~~
其實到而家都唔知幾時先會有糧出....幾時先會再有job做........
咁同一個失業青年有咩唔同........?唔通真係要成日自己打返去問有冇野做?

之前去in左另一間公司.....貌似呢間會有多d野做~
識左個資深model哥哥~好好人哦~~

就快204要Test啦.......而家都唔知佢想點........
2個鐘test2條SQ1條LQ........?
我睇左陣notes都係唔知可以點溫+出........
唔理啦....背晒先算~!

而家日短夜長o既情況越來越明顯啦.....
時間太早個天就黑+太遲個天都未光會令我心情變差........|||||||
應該遲下慣左就好~

好懶打xanga,但係其實我又唔會係facebk o個面打任何野.......
簡單黎講就係我懶打野......
我決定要dick起心肝打篇同人維護我個專欄!!!

我真係好想剪頭髮..............
新o個間公司個老細俾我個感覺唔係太好......諗野幾膚淺.....|||||
不過其實一般人都係咁睇野.......又唔可以怪佢gei.......

我期待左好耐o既邊爐大會下個禮拜有啦~~
最近m聚好似搞得怪怪地?

手痕一路聽paparazzi一路畫~真係好好聽~~
女神卡卡真係好有型~~(歐卡卡你幾時做左女神?!)
照舊係之前畫春馬o個個方法畫~~
原圖~
我畫o個個好似冇左o個種型o既感覺.......但係就索左~
早知畫個大d o既象素......可以用黎做wall paper.......
好~~12月就用Lady Gaga做schedule~

點解咁多人鐘意喜羊羊...................|||||||

我真係想快d有野做有$ ar........

最近係facebk有個塔羅牌o既quiz~
真係超準!!!!!!!!!

m...好似最近真係好熱氣.........

又係打下片言隻語報下平安o既時候~
呢排都係蒲左去facebk o個面唔知做咩.....^^|||||

-我好想剪頭髮..............................
之前有d原因一路叫自己留留留.....但係我真係好手痕好想剪.......
睇住禹哲個短頭髮就更加想剪.......
但係都捱過左個酷暑先剪係咪好白痴呢.....?
同埋剪左我D假髮咪會用唔到lo........?

-整左新2個月o既schedule~~
本來想整埋12月,但係真係未搵到o岩+想用 o既圖....~
有冇人有suggest or 靚圖比我用~?

-自我價值觀受到大衝擊........
我真係第一次俾人話矮,腳粗,雪姑七友.......................
同埋.........究竟除左隆胸,食豐胸藥之外......有咩方法可以睇起黎大d....?
我之前睇o個d方法我自己都實行唔到........
同埋.........我覺得自己樣衰左好多........

-語言
m....我發現我講野越黎越粗俗o既傾向繼出ward之後又嚴重左.....

-高踭鞋
有比較習慣了~~而家著4吋可以去我婆家唔駛帶鞋換~~

-CATWALK
~^皿^~俾人讚行得唔錯~
希望到時唔好出咩大錯,唔好淆踭,唔好淆底,唔好僵硬.....!!
要表現好d~~第日有多d job接~!

-老人班
armarm睇到記低佢先,唔記得係預防定去除定延緩
紅棗+杞子+山楂
我真係好驚老ar........

-定義
話時話.....我算唔算係個好唔正常o既女人?
我係咪好變態好冇底線好cheap........?

-民族風
最近俾女神影響~鐘意左d好民族風o既飾物~尤其是耳環~
不過我冇穿耳........好重ar.........

-亞洲星光大道
雖然中大歌神個樣有少少似ar峰,我之前又都ok鐘意佢
不過我真係唔覺佢有唱得好過ar峰!!!
吳評判去死啦!咩偶像派,咩唔識唱歌,成集被揀歌o既歌手唔識唱o既大有人在
ar峰得罪左你d咩?!

-睇戲
之前小siu請睇戲~姊姊的守護者~好好睇好催淚....~
小siu冇add我facebk唔通因為張profile pic佢認我唔到?!!!

-甩頭髮
唔知係因為長多,玩多左,夜訓左,壓力大左定咩原因........
最近甩頭髮甩得幾嚴重.............我唔想光頭ar...........

-返學
而家返學好似冇咩實在感咁.....成個人好似專注左去搵兼職o個面咁........

-食飯
無論返ou定青山~個focus始終係早午餐~XDDD
之前同恩師一家食飯~~好開心~~恩師個女好得意好怕醜~~

-大東禹哲
大東影相真係好靚~~~
最近好迷呢個配對........~

-黑
前排有下真係黑到爆.....係我身邊o既好多野都輪住壞.........
手提,高踭鞋,電腦display card,風扇,雪櫃,洗衣機,soc印
仲成日miss車................尤其是輕鐵........

wa!!!成個月有多冇返黎寫日記...~
成個8月都玩左ok多野~~

去左第一次私影,去左in公司,去左南生圍,去左西九龍海濱長廊~

同歐卡卡去左蠟像館影多好多白痴相,又搭埋纜車~

同liz去左韓燒with卡卡慶祝生日~

之後生日有好多人俾面出席o既生日BBQ~
大家係蛋糕隔離唱愛不疚同愛在記憶中找你做生日歌~

呢度齊人ga la~XDDD
食左魔鬼蛋糕希望我會有魔鬼身材~

收左熊仔同林峰LET'S GET WET con 碟~

之後o個日就返sch宣傳soc~
今年d yr 1 呢........m......
不過經我地宣傳之後應該多左好多人識~
 
我家新熊仔歷險記~XDDD
幾有天使feel~~

之後係前2日同歐卡聚聚慶祝生日~

多謝歐卡爸爸請食好味o既西餐~~

呢期都好多大突破....我都唔知自己仲可以接受幾耐........
見步行彥啦....唔得就出聲
我諗唔會有事gei.......~我諗........

新學期返3days/week
有2日要返青山..........
雖然只係早起3個字.........不過個感覺唔係咁好咁......好遠ar........

開始返係家print notes好容易會進入燥狂狀態.........

努力啦....要開始讀書啦~!

唉...話咁快28日青山出WARD期就咁過左...~
第一日有更表仲係張更表度劃劃劃睇幾時完......
而家完左就真係有唔捨得個ward,各位nurse同病人....~
大家都真係好好好好好~

我係青山影o既好少少少少相~
左上開始係更衣室~~個地下俾我坐到乾淨哂~~XDDD成日返到去都好累ma...~
之後就係日日返青山1去南昌站都會經過o既路~~我終於都有條尾啦~
跟住就係青山更衣室條走廊影出去o既青山~
搭完輕鐵行去前門o既一段路~(見風光咁好影得咁靚就知有幾晒.....)
最後係o係人地部車見到o既粗口.....XDDDD

講左唔上得同上得檯面學到o既野先啦~
-講真.........真係粗魯左"少少"...XDDD
冇辦法.....因為有時真係聽得太多同化左....有d野真係唔用特別o既語言表達唔到...有時又真係好需要firm D 對d pt....
不過呢~乖o既人始終係乖o既......我呢d係籍口~XDDDD
-第一次打左IM同抽左血
打針比想像中騰雞.......抽血又比預計中順手~
有個小小o既護士光環~~仲有好多好多要學呢~
-睇左牌板
學多左知多左,有d簡寫又識左
-趕nurses' notes
m....踏入護士office work o既第一步~
我知我寫得麻麻.....不過都坎左...冇得睇返黎改啦........
-開藥車
開車lu開車lu~明白左熟能生巧~用得多就識~
當然都要多謝解識俾我地聽o既各位nurses同同學~
-開病人駕車
我就快練到飄移~~XDDDD
講真有少少難推....我要練大隻d大隻d~!!
唔打得都嚇得~~~XDDDD
-同pt傾計
絕對有技巧~~!!^皿^~~
要建立"治療性關係"唔係咁簡單嘠~~XDDD
-做野方法
真係唔用得都要睇得!!!呢下好重要.......
當然...用得就最好啦~

每日都有好多笑料~~就快要搬o既A201我圩咁就係最後一批可以感受到o既st啦....
每個staff o既配搭都好正......唔知幾時先可以大家再聚呢?
A201真係一個好好俾第一次試呢行o既學生去~
好肯教好肯講o既staff,輕鬆o既氣氛,好玩o既pt,好多given chance,又唔嫌棄我地....真係好好~

體驗同知道o既令我更有動力希望係呢行行落去
如果第日都可以係呢d ward做就好啦~

雖然鄧mentor話好多人個護士光環都已經冇左....但係我希望我可以慢慢建立到出黎呢~
我開始想變得有heart d 去做呢行~

原來psychi RN max可以去到4萬?!!
如果係真o既我應該會好俾心機去讀+留係呢行~~

出左咁多日ward
2對拖鞋+4條短褲+幾件Tee陪我過左呢個hea著炎熱 o既7月~
ar~仲有對護士鞋同3套U
話時話......學校套U...著到大家條頸都敏感.........用其他鈕唔得ga mei.......?
我d頭髮最近都長到可以有條尾啦~唔知我可以忍到幾耐手唔去剪呢~?
有時都承認自己太主觀腸野唔得清楚唔得醒水....同埋一開心就好多白痴動作.......我真係改緊ga la改緊ga la.....~

同staff們o既合照好多好開心~
我知我地係最幸運o既一班~~希望可以帶住呢個心情去之後o既每一個ward啦~!
亦希望其他同學仔可以繼續加油啦~有唔開心o既一齊講下吹下鬧下就會舒服d ga la~

大合照~
(匙鍊係個pt~XDDD)

最後P.S.大家睇我張profile pic~我出完ward做左ar爺啦~XDDDD
               唔知第日有冇呢個機會呢~?